Hvað auðlindarökin snertir, sem hver maður étur nú upp á eftir öðrum, virðast menn alveg hafa gleymt því að þótt þjóðin eigi fiskveiðiauðlindina að nafninu til þá var hún afhent nokkrum útgerðarmönnum sem notuðu hana til peningaprentunar og fjárfestu síðan villt og galið fyrir peningana um leið og þeir skildu eftir sig sviðna jörð á landsbyggðinni. Þeir sem eru eigendur hennar núna hafa veðsett hana margfalt og eiga ekkert fyrir skuldum og það eru því erlendir kröfuhafar sem eiga hana de facto og mestallur gjaldeyrir sem kemur inn fyrir þessa “auðlind” fer í að borga upp í erlendar skuldir þessara svokölluðu “eigenda”. Það sem þeir geta ekki borgað lendir síðan sennilega á okkur hinum sem “eigum” hana í orði.

Með bestu kveðjum,

Gauti Kristmannsson

Og mér finnst málflutningur um ESB, krónu og evru einkennast einmitt af trúboði eða tali út frá algjörri vissu.
Mér hefur fundist frábært að fá þessa erlendu fræðinga til landsins. Buiter og breskur hagfræðingur sannfærðu mig á endanum í Silfri Egils um helgina að hér væru á ferð heimatilbúnar hörmungar sem ekki var hægt að flýja. Ábyrgð stjórnmálamanna, embættismanna, forsetans og fjölmiðlanna varð enn hrikalegri fyrir bragðið í mínum huga.En það gengur ekki að þetta breytist í einhverjar trúarsamkomur þegar hingað koma menn til að sannfæra þá sem þegar eru sannfærðir fyrir.
Ég er enn ekki sannfærður þrátt fyrir orð Buiters. Mér finnast þau áróðurskennd þó svo ég fagni þeim upplýsingum sem hann gaf um algjört klúður ráðamanna hér, glæpsamlegt fyrirhyggjuleysi og í raun landráð í mínum huga.
Takk aftur.
Það er ekki oft sem maður rekst á svo vandað, vel skrifað og yfirvegað blogg.