Fórnarlömb hinna fáu
Ég fæst hér sjaldan við tengla- og tilvitnanablogg en allt á sér undantekningar (líka sú regla, en það er önnur saga).
Sverrir Jakobsson hefur lagst með Stefáni Pálssyni (eins gott að klára þessa setningu strax) á þær verðugu árar að koma Moggablogginu um kring með formælingum í lok hverrar færslu. Nokkrir þarlendir bloggfuglar hafa hnýtt í þetta athæfi og það finnst Sverri fyndið …
enda hlýtur það að teljast saga til næsta bæjar að tveir einstaklingar nái að leggja fjölmennasta netsamfélag landsins í einelti. Er Moggabloggið óðum að verða kúgaðasti meirihlutahópur landsins - að Þjóðkirkjunni frátaldri.
Megi Moggabloggsaðsókn réna niður í messumætingu!
January 10th, 2007 at 10:28 pm
Gott að sjá þegar menn tileinka sér góða og gegna siði.