Mölur og ryð
Sennilega væri til hagsbóta fyrir andlegan þroska okkar og gildismat að mölur og ryð verkuðu tífalt hraðar.
Það væri hins vegar til baga í viðhaldi heimila og bíla.
Svona í meðallagi ótengt þessu: þegar starfsmenn Miklagljúfursþjóðgarðsins í Bandaríkjunum eru spurðir að aldri Miklagljúfurs (Grand Canyon), svara þeir „no comment.“ Þeir mega ekki gefa upp áætlaðan aldur þess. Hvers vegna ekki? Jú, vegna þess að það færi í taugarnar á sköpunartrúuðu fólki sem vill að Miklagljúfur hafi orðið til í Syndaflóðinu.
Þetta er ekki grín, og ekki tilviljun eða sérviska starfsmanna. Þetta er stefna ríkisstjórnar Bush. Meira um þetta hér.
December 30th, 2006 at 7:24 pm
Ég verð að taka upp hanskann fyrir Bandaríkjamenn. Sumir þeirra leggja stund á jarðfræði, líffræði, eðlisfræði o.s.frv.
En óneitanlega eru margir þeirra best að sér í fáfræði.