Hvers á Ragnheiður Ásta að gjalda?
Í myndatexta í Fréttablaðinu 17. febrúar 2006 er myndefnið sagt heita Ragnheiður Ásta Jóhannesdóttir.
Hún hlýtur að vera orðin langþreytt á þessu. Í útvarpi 16. mars 2005:
Ólafur Hannibalsson: Nú er sem sagt Alþingi að fjalla um þetta og var ekki á aðalfundinum hjá ykkur einmitt mættir tveir alþingismenn Ögmundur Jónasson ef ég man rétt og Ragnheiður Ásta.
Friðrik Þór Guðmundsson: Ásta Ragnheiður. Ólafur Hannibalsson: Ásta Ragnheiður Jóhannesdóttir og hvað heyrðist ykkur á þeim?
Í grein sr. Einars Eyjólfssonar í Morgunblaðinu 27. mars 2002:
Mörður Árnason og Ragnheiður Ásta Jóhannesdóttir hafa hafa á Alþingi lagt fram frumvarp til breytinga á lögum um sóknargjöld.
Hjálmar Árnason: Það voru aðeins tveir hv. þingmenn, hv. þm. Rannveig Guðmundsdóttir og hv. þm. Ragnheiður Ásta Jóhannesdóttir sem töldu að það væri ekki nógu vel rætt. Forseti Alþingis: Ásta Ragnheiður. Hjálmar Árnason: Ásta Ragnheiður Jóhannesdóttir. Þá er líka rétt að [...]
Halldór Blöndal: Og það er svolítið athyglisvert í því sambandi, hv. frummælandi Ragnheiður Ásta, að [...]. Ragnheiður Ásta segir um það, með leyfi hæstv. forseta: Forseti Alþingis: Það þarf að ávarpa þingmenn fullu nafni samkvæmt þingsköpum. Halldór Blöndal: [...] Hv. þm. Ragnheiður Ásta talaði um Samkeppnisstofnun, [...]. En við tókum eftir því áðan að frummælandi, Ragnheiður Ásta Stefánsdóttir, hafði einmitt orð á því … Forseti Alþingis: Þingmaðurinn heitir Ásta Ragnheiður Jóhannesdóttir og ber að ávarpa hana fullu nafni. Halldór Blöndal: Ég þakka fyrir. Mér finnst nú hitt fallegra nafn, með leyfi hæstv. forseta. En við tókum eftir að sá ágæti þingmaður óskaði eftir því [...]
November 13th, 2006 at 11:38 pm
Það væri skemmtilegt ef skýringin fælist í því að til væri annar þingmaður að nafni Ragnheiður Ásta Jóhannesdóttir. En það væri sennilega of mikil tilviljun.