Víxlarar!
Er það ímyndun mín, eða nota fjölmiðlar kerfisbundið mismunandi orð yfir góða afkomu fyrirtækis? Mér finnst eins og hún heiti „hagnaður“ ef fyrirtækið er eitthvað gott og þóknanlegt eins og fiskimjölsverksmiðja, en „gróði“ ef fyrirtækið er eitthvað í eðli sínu ljótt og illgjarnt eins og t.d. banki.
Þessi greinarmunur er auðvitað óþarfur. Óháð atvinnugreinaflokkun er hagnaður hvarvetna til marks um siðleysi og síngirni. Að græða er að nurla saman peningum sem annars hefði mátt nota strax til góðra verka. Þetta sjá allir góðir menn.