Fágæt nöfn
Ég er íslenskur hugbúnaðarsérfræðingur um þrítugt.
Og ég heiti Gunnlaugur Þór Briem.
Nú reynist vera til annar íslenskur hugbúnaðarsérfræðingur um þrítugt, sem ég hef ekki fyrr heyrt um …
… sem heitir Þóra Gunnlaug Briem.
Í hæsta máta fríkí.
October 11th, 2006 at 4:18 pm
Er þetta kannski tákn um að þú eigir að byrja vinna hjá Axis?
October 11th, 2006 at 5:20 pm
ÞGB hjá ax.is og GÞB hjá Axis!
Þú segir nokkuð; Þverbak er skemmtilegt svæði að keyra um, og steina er sniðugt að taka úr.
En skemmtilegar tilviljanir hætta að vera skemmtilegar tilviljanir þegar þeim er „hjálpað,“ svo að það gengur því miður ekki upp.
Þar að auki get ég ómögulega verið að flytja til Svíþjóðar akkúrat þegar hún er nýbúin að fá yfir sig fáránlegan ráðherrahóp. (Þaðan af síður myndi ég sætta mig við ríki þar sem t.d. utanríkisráðherrann væri ótalandi á ensku, formaður fjárlaganefndar þingsins ekki með háskólapróf, og það slyppi að þingmenn byrjuðu þingferilinn á þriggja mánaða tugthúsvist fyrir kvótasvindl, bókhaldsbrot, og brot á tollalögum … svo að ég taki nú ímynduð dæmi af handahófi. En sem betur fer á ég nú bara heima hér á Íslandinu góða.)
October 11th, 2006 at 7:34 pm
ótrúleg tilviljun, en varla svo mikil að það þurfi að kalla til þverbak.
Og í vor færðu tækifæri til að leysa öll hin vandamálin sem þú nefnir.
October 11th, 2006 at 8:25 pm
Það segirðu þó satt; eftir kosningarnar í vor njótum við sannarlega draumaríkisstjórnar sem enginn sanngjarn maður finnur nokkuð markvert út á að setja, þar sem sérhver valdhafi er réttsýnn og vammlaus og framúrskarandi hæf mannvitsbrekka og ég get ekki annað en litið upp til þeirra allra.
Þetta minnir mig að sé alltaf raunin eftir kosningar. Það hlýtur þó að vera enn öruggara þegar atkvæðin ráðast af hugarfarinu „hvað sem er annað en X.“ Svo einörð ákvarðanataka kann alltaf góðri lukku að stýra.
October 12th, 2006 at 1:47 pm
að sjálfsögðu verður það þannig. Hver hefur nokkru sinni orðið fyrir vonbrigðum með pólitíkusa sem hann/hún kýs yfir sig? Held það skipti minnstu máli hvernig ákvörðunin er tekin, en kannski væntingarnar séu meiri ef kosið er til að hrekja einhvern af stóli en hitt? væri gaman að skoða það!
October 13th, 2006 at 2:35 pm
Heitir þetta ekki “Fríkó” á Reykjavíkur máli? Skrítið að þessi tilviljun hefir ekki komið í ljós fyrr. Sig
December 26th, 2006 at 10:52 pm
Komdu sæll, nafni :)
Fyndið að heyra með nöfnin okkar, vinnu og já, mér sýndist þú líka vera fæddur í desember! Hehe, ætli við eigum ekki e-ð fleira sameignilegt.
Kv/ÞGB