Að plata án þess að segja ósatt
Vinstra grafið er eins og Fréttablaðið birti það í gær, föstudag. Ha, lesa tvöfalt fleiri Fréttablaðið?
Takið eftir hve ásinn er gerður daufur og grár svo að sem fæstir taki eftir því að það er klippt neðan af honum. Samt er þess gætt að neðst sjáist litla hakið sem segir „þessi ás nær ekki niður í núll“ svo að ekki sé hægt að kalla grafið beinlínis ósatt.
Hægra grafið er eins og ég hefði birt það. Þar nær ásinn niður í núll og grafið gefur því rétta mynd af þeim hlutfallslega mun sem kemur fram í Gallup-könnuninni.
Þess vegna fæ ég seint vinnu við markaðssetningu. Ég hef svo óheilbrigðar hugmyndir um hreinskilni.
August 17th, 2006 at 4:33 pm
Mér finnst þetta snilld. Eitt það dásamlegasta sem ég lærði í háskólanum var að finna hvernig hægt er að afvegaleiða fólk með rangri aðferðafræði og sjónblekkingum.
August 18th, 2006 at 4:35 pm
Já, það er afar praktískt að skilja þær aðferðir … praktískt bæði fyrir gerendur og þolendur. :)
August 26th, 2006 at 4:49 am
ég skil ekkert afhverju þeir létu ekki y-ásinn byrja í 47%
August 26th, 2006 at 1:03 pm
Það er ósatt — þú skilur það víst. :)
Árangursríkt plat er hófsamt; ef það hljómar of ótrúlega fer fólk að efast og rýna í það. Plat virkar því aðeins að ekki sé rýnt.
March 20th, 2007 at 2:07 pm
[...] eru oft stélstýfð gagngert til þess að blekkja, að plata án þess að segja ósatt. Hér virðist mér stýfingin hins vegar réttlætanleg. Koltvísýringur verkar víst þannig í [...]